0.png

كلمات : نايف العاض

على العهد باقي وللحب باقيين
اصل المفــارق مــاحسبنه حسابه
ياصاحبي وين انت رايح على وين
جرحي عميـــق وزايــــدن بالتهابه
تقفي وتــدري ماتبع الي مقفين
تصــد وانــــــــا مــــالقيت الاجابــــــــه
ابغــــي اوصلــــك رسالـــــة محبيــــن
قفو وانا لي من وراهـــم طـــــلابه
الوصل نعمه والمفارق عما العين
وحظـــــي معـــــك بذات مــــاينعدابه
هموم فوق هموم والحزن والبين
في كل ليلــن فــــوق راسي سحابه
حالـــي نحــــل والقـــلب فجـــر براكين
كلام مـن يغلـــــيك جــــــاك بخـــــطابه
انـــا تــــراني صـــرت ضمــن المــجانين
من عقب صدك عايشن في كابه
عزاه ياقلبي ويا حالي الشين
عزاه ياجرحن نزف من صوابه
لاغاب عني زود الجرح جرحين
وارقب طوال اليل جاري الكتابه
امسح شطر واكتب شطر واسهر الين
يبين نور الصبح ويفج بابه
انا تراني من رجالن مسمين
انشهد ان لي في المواقيف لابه
لانتبع المقفي ولا حن براجيين
مانتبعه لو كان طول غيابه
وانتي ترا بنت الشيوخ السلاطين
اهل المواقف والقسى والصلابه
من له يشوف بعين مالد له عين
لو كان غالي مارجينا جنابه
....................................